Cheulle l' Plache
Ch'est là qu'in va souvint. In y vôt du monte, cheux qui vont à l'égliche, alle mairie, et à l'école.
Ch'est là aussi qu' in fait des fêtes et qu'y a l'ducasse.
A la fin d 'eulle dernière guerre in avot quat' bistrots côte à côte, et quèques p'tits boutiques dû qu'in vindot du chuque pour chés gosses.
L'diminche, al sortie de l' messe, in parlôt du prix d'chés œufs, de l'couleur de ch'burre et d' l'ouvrache dins chés camps.
Juste après l'dernière guerre, in y a même fait du sport in y construjant un terrain d' basket.
Et pis in a pris un bout d'gardin à ch'curé pour faire eine salle d' jux du qu'in fajôt du cinéma, du théatre et du cathéchisme.
Ch'est l' salle polyvalente d'aujourd'hui qui est, des fois, louée pour chés mariaches.