Cheulle l'rue de Chanoine Rigaut
Ch'est eune rue qu'alle a été souvint débaptigée et r'baptigée.
Dijons qu'alle a eu différints noms : rue principale, rue longue, grand rue, rue d'en haut et rue d'en bas.
Ch'est peut-être cheulle rue l'plus passante d'Illies.
Alle servôt pour aller à l' Ecuelle à l'Motellette et pis aussi à l'Avinture et à Aubers.
In artrouvôt tout du long deulle route des p'tits boutiques, des bistrots et quèques cinses.
Si à ch't'heure alle a été baptigée rue du Chanoine Rigaut
ch'est parce qu'i' est v'nu au monde à Illies et qu'plus tard cha avôt été quèqu'un.
In savôt qu'i' avôt gramint d'liv' d'sus Illies.
Avint li, s'majon, ch'étôt un hopital qui servôt pour chés infants treuvés, abindonnés par des filles-mères.
uind ch'chanoine i' est mort in 1937, ch'est des soeurs, des dominicaines, qui l'ont rimplaché.
Ch'étot d'venu l'majon d'tout l'monte .
In y donnôt des soins in y fajôt l'cathéchisme, et l'patronnage pour chés gosses.
In y a même fait des jux dins ch'gernier .
A ch't' heure ch'est l'Maison des Associations pour tous chés clubs d'Illies.